الإمتحانات على الأبواب

الإمتحانات على الأبواب

يا رب استر...................

انتظروني بعد الإمتحانات إن شاء الله

معلش اصل المواد جامدة اوي السنة دي

خلي ايديكوا في ايدينا نشيل سياحنا في عنينا!!!!!!!!!

كلكم طبعا عارفين الإعلان داة واللي سارقين فية اغنية م كلثوم ومغيرينها علشان تنشيط السياحة

بس في موقف كدة حصل لي من قريب بيدل فعلا على اهتمام الدولة بالسياحة

وحرصها الدائم على تنشيط السياحة من اجل العملة الصعبة علشان الشعب الغلبان ياعيني

في مرة واحنا قدام الجامعة وطبعا انتوا عارفين المتروبتاع مدينة نصر

وجية واحد سايح الماني كان عاوز يروح جامعة الأزهر علشان يتعلم عربي

ف وصفنالة انا وصحابي انة يركب المتر بتاع مدينة نصر ووقفنا معاة شوية علشان يركب المترو

طبعا مش داة متر مدينة نصر لا قدر الله

بنعمل زي ما بيقولوا وبنعامل السياح كويس علشان ييجوا تاني

والسياح دول طبعا انتوا عارفين الوقت مهم عندهم اد اية

فشوية كدة والمترو اتأخر جدا كالعادة

الراجل قال جملة عيب اوي بصراحة ف حق مصر راح قايلنا

"This s the Egyption system you may be stay here

, drink tea and cofee and the metro may be come or not!!!!!!"

طبعا محدش فينا عرف يرد علية ويبررلة اي حاجة لأن داة الواقع فعلا

وفعلا خلي ايديكوا في ايدينا نشيل سياحنا في عنينا!!!!!

حضرة المتهم ابي

حضرة المتهم ابي

ممكن بعض الناس تفتكر ان انا كاتب عن المسلسل اللي اتعرض في رمضان او اي نقض لية

بس لما تقرأوا الموضوع إن شاء الله هتعرفوا انة غير كدة خالص

حضرة المتهم ابي.........أنت المسئول عن ولادتي في مجتمع لا يحب الناس فية بعضهم بل كل واحد يبحث عن مصلحتة الشخصية فقط

ولا ينظر إلى مدى مصداقيتة في علاقتة مع الأخرين.

حضرة المتهم ابي.........أنت المسئول عن ولادتي في مجتمع يمكن الا يحب الأخ اخاة في سبيل بحثة عن مصلحتة الشخصية

حضرة المتهم ابي......... أنت المسئول عن ولادتي في مجتمع لا يوجد مكان فية للطيب او( اللي ماشي في حالة ) بل يجب ان تكون مسنود

يعني لو معاكش واسطة متنفعش (على رأي صحبي عمرو لازم تكون تبع وائل)

حضرة المتهم ابي.........انت المسئول عن ولادتي في مجتمع لا يوجد رابط بين الإبن واباة إلا المصروف يعني لو مفيش مصروف الإبن مش هيفكر يشوف ابوة اصلا!!!!!

حضرة المتهم ابي.........انت المسئول عن ولادتي في مجتمع (الطيب فية ملهوش نصيب) يعني لو انت بتعمل حاجة بحسن نية هتلاقي تلتميت واحد يفسرهالك تفسيرات تبع مزاجة ويطلعك خبيث او بتعمل كدة علشان تضرة ودي مشكلة انا بواجهها عندنا في الجامعة فعلا

ارجو ان اول موضوع لية يكون كويس

**ملحوظة انا مش كاتب كدة بكرة الأبهات ولا حاجة لا سمح الله إحنا بنحتاجهم بردو